Nemendur, 8. bekkjar Ó, hafa tekið þátt í verkefni, í vetur, á vegum Landsbyggðarvina í Reykjavík og nágrenni sem nefnist - Heimabyggðin mín - Nýsköpun - Heilbrigði og Forvarnir.

Markmið verkefnisins er að virkja unga fólkið til umhugsunar um heimabyggð sína, hvernig það vill sjá hana í framtíðinni og koma með hugmyndir að úrbótum.

Í fyrri hluta verkefnisins skrifuðu nemendur ritgerð og lenti ritgerð Davíðs Arnars í 2. sæti en hún fjallaði um lagningu hjólastíga í sveitarfélaginu. Í seinni hluta verkefnisins unnu nemendur í hópvinnu og var afrakstur hópanna kynntur fyrir dómnefnd frá Landsbyggðarvinum í morgun.

Eitt verkefni, af fjórum, var valið til að taka þátt í lokakeppninni sem verður haldin í Norræna húsinu 31. maí 2010. Verkefnið sem vann var um lagningu hjólastíga frá Þorlákshöfn og út í Selvog sem Aðalbjörg Ýr, Dagbjartur, Davíð Arnar og Ingibjörg gerðu.

Emil Karel Einarsson, í 10. bekk, er fyrirliði U16 ára landsliðs drengja í körfuknattleik. Í gær, 16. maí, urðu þeir Norðurlandameistarar 2010 á Norðurlandamótinu sem haldið var í Svíþjóð. Einar Árni Jóhannsson, þjálfari liðsins, sagði í viðtalið við fjölmiðla að hann væri afar stoltur af drengjunum, þeir hefðu staðið sig afburðar vel og liðsheildin væri frábær.

Við eru afar stolt af Emil Karel og óskum honum innilega til hamingju með sigurinn.