Þorsteinn Helgi Sigurðarson, í 8. bekk, hefur staðið sig gríðarlega vel í sumar í Íslandsmótaröðinni í mótorkrossi . Samanlögð stig eftir keppnir sumarsins skiluðu honum í annað sæti til Íslandsmeistara á eftir Guðbjarti Magnússyni en  í þriðja sæti var Einar Sigurðsson. Strákarnir þrír keppa allir fyrir Team Honda Racing og innan þess liðs mynda þeir sitt eigið lið í 85cc flokki en þeir kalla sig Team Freaking Awesome.

Þess má geta að árangur Þorsteins Helga, eftir sumarið, er sennilega sá besti sem 13 ára strákur hefur náð í þessum flokki hérlendis.

Haustdagurinn fór að þessu sinni fram í Íþróttamiðstöðinni og kepptu nemendur í boðhlaupi og langhlaupi. Árgangar kepptu sín á milli og kennarar og nemendur kepptu í kúluvarpi.

Íþróttakennararnir skipulögðu keppnina og íþróttaráð fylgdist vel með að allir færu eftir settum reglum.

Nemendur hvöttu bekkjarfélaga sína og voru einstaklega prúðir áhorfendur. Allir skemmtu sér konunglega.

Hér eru myndir frá gleðinni.

Nú líður senn að hinum árlegu jólakvöldvökum. Undirbúningur hefur staðið yfir hjá nemendum upp á síðkastið og nú vilja þeir gjarnan sýna foreldrum og forráðamönnum afraksturinn. Kvöldvökurnar eru á fimmtudögum og byrja kl. 18:00.